नर्सरीको लागि पारिलो, अग्लो र नजिकको ठाँउ हुनुपर्छ । नर्सरी बेड सिँचाई स्रोतको नजिक, दोमट माटो र
राम्रो निकास व्यवस्था भएको ठाउँमा तयार गर्नुपर्छ । माटोबाट सर्ने रोगबाट जोगाउन कम्तिमा एक वर्ष अघि
देखि प्याज परिवारमा पर्ने अन्य बाली जस्तै छ्यापी र लसुन लगाइएको हुनु हुँदैन ।
नर्सरी ब्याडको माटो मसिनो नभएसम्म खनजोत गर्नुपर्छ । १ मिटर चौडाइ, १०-१५ सेन्टिमिटर उठेको र आवश्यकता अनुसारको लम्बाइ भएको नर्सरी बेड
तयार गर्नुपर्छ । एक रोपनी जग्गामा बेर्ना सार्नका लागि २५ वर्ग मिटर (२५ ह १) को नर्सरी बेड पर्याप्त हुन्छ। एक भन्दा बढि नर्सरी बेड बनाउनु परेमा दुई बेडका बीच ४०-५० सेन्टिमिटर ठाउँ छोड्नुपर्छ । यसरी ठाउँ छोड्नाले नर्सरीको हेरचाह जस्तै झारपात उखेल्न, रोग तथा कीरा नियन्त्रण गर्न सहज हुनुको साथै पानी बढि
भएमा निकास गर्न पनि सकिन्छ ।